Marlon Sneek: AVP tin su permiso pa core su parada dia 17 di September

0
101
AVP a haya un permiso ayera pa core su parada dia 17 di September. AVP tin su permiso den man manera cu a acorda dia 2 di Augustus den e reunion caminda cu tur partido ta representa na palacio di husticia na Santa Cruz, caminda cu a sinta cu polis. Marlon Sneek ta representante di AVP den e reunionnan aki. Manera cu a acorda e dia, AVP como e partido di mas grandi, mescos cu e maneho di 2013, ta e partido cu lo haya su permiso pa core su parada dia 17. E tin su permiso den man pa e por core e parada.
MEP lo bay corte
Tur hende ta liber pa bay corte. Ora cu entrega un peticion, mester por sa cu no ta pasobra bo a entrega un peticion, esey ta nifica cu automaticamente bo ta bay hay’e. Si tin regla of tin acuerdonan cu ta bisa cu bo no por hay’e, bo no ta hay’e. Asina simpel e ta. Dia 2 di Augustus, manera menciona, tabata e dia caminda cu a discuti esaki y ningun momento e representante di MEP no a opone. Es mas. Den e ultimo reunion cu tabata tin a bisa cu tur cos ta cla pa diasabra dia 16, caminda cu nan tin contract firma cu banda y tur cos. Nan kier crea polemica, un mal criansa di sra. Evelyn Wever-Croes cu ta insisti cu e kier core su parada dia 17. MEP kibrando tur regla, poniendo nos cuerpo policial bao di presion. Por a mira diadomingo cu a pasa, nan a core un parada sin permiso, caminda cu sa cu no mag. Un biaha mas, gewoon sin miedo, manera cu nan ta bisa. Sin respeta ningun hende, haci loke nan kier haci y si no gusta, laga. Por a pidi un vergunning pa haci un actividad pa cera caya Betico Croes. Pidi un vergunning pa cera caya na San Nicolas, caminda cu a bay y bisa cu AVP lo zorg pa no pidi ni e permiso eynan. Ta pone polis bao di presion. Si polis bisa cu no, bo kier crea un polemica cun’e. Si bisa si, ta laga e otro partidonan por ta ta bay pensa cu polis ta pensa den nan direccion. Butando polis bao di presion, Sneek ta haya esaki lamentabel. Awe atrobe ta mira cu nan ta papia di bay corte. Ta bay corte contra di Cuerpo Policial cu a tuma un decision dia 2 di Augustus. Un biaha mas, poniendo presion riba autoridad, faltando respet, manera semper. No mag di lubida, cu esaki ta e MEP cu ta bisa cu polis ta padvinder. Esaki ta e MEP cu atrobe ta falta respet pa polis, pasobra cu polis a bisa nan, den e caso aki, Alto Inspector Gordon a bisa na mesa dia 2 di Augustus cu AVP lo core su parada y awe atrobe pa haci muchachada, cos di malcria, ta bisa cu e lo bay corte. E ta liber pa bay corte. Nos ta un pais democratico y huesnan tambe lo bay tik nan dede y bisa nan cu nan tin cu respeta autoridad.
Kico a bay robes
Marlon Sneek, a splica cu por bisa mil y un cos. E representantenan di otro partidonan a trece dilanti, tur hende a bisa OK. Esey ta e acuerdo. Den e ultimo reunion, sr. Giel a hasta bisa cu nan a firma contract cu bandanan caba. Atrobe conoce cu Evelyn Wever-Croes ta papia mentira. Manera cu tur hende sa, nan tabata yam’e 1 April, pasobra ta algo den su sistema, di gaña. Atrobe e ta troce palabranan. Pero pa Sneek no ta importante. Lo importante ta cu sra. Gordon a trece esaki dilanti. Sneek tin un mail cu el a haya for di sra. Maureen Dirksz, kende ta miembro di Cuerpo Policial, kende tambe ta participa den e reunionnan, caminda cu ta bisa cu den e reunion eynan cu nan a bisa cu dia 17 ta di AVP, reconociendo cu mando policial a bisa den un reunion, cu dia 17 ta di AVP.
Attachments area

Comments

comments