Bo tin mester di ayudo pa yena e formulario di declaracion di inkomstenbelasting 2016?

0
102

Departamento di Impuesto ta recorda su clientenan cu e campaña pa yena e formulario di
declaracion di inkomstenbelasting 2016 ya a cuminsa y tur cliente cu tin dificultad pa yena e formulario por acudi libremente na MFA Noord of YMCA San Nicolas. Contrario na aña pasa, e biaha aki Departamento di Impuesto no lo duna ayudo mas tur fin di luna. Pesey, awor
ta e momento pa acudi na e sitionan menciona. Dia 29 di september ta e ultimo dia cu ta brinda ayudo y no lo bay prolonga e campaña. Aki ta sigui mas detaye. Kendenan por participa? 1. Tur persona soltero cu tin un entrada bruto di no mas cu Afl. 75.000,-;
2. Tur persona casa cu – hunto – tin entrada bruto di no mas cu Afl. 150.000,-. No por brinda ayudo na esnan cu tin un empresa propio of cu ta traha riba nan mes. Na unda lo duna ayudo?’ Fecha Sitio Orario
11 – 15 di september 2017
25 – 29 di september 2017

Wendys
Banco di Caribe
WEB

MFA Noord
YMCA San Nicolas

8:00 am – 12:00
1:15 pm – 4:00 pm

 No ta duna ayudo den e siman di 18 di september.
 No tin mester di haci un cita.
 No ta duna ayudo riba diasabra.

Trece documento Departamento di Impuesto ta pidi su clientenan pa trece e formulario di declaracion di aña 2016 hunto cu tur comprobante necesario relaciona cu entrada y gasto, tanto na Aruba como den exterior. Alabes ta importante pa duna e datonan personal di e pareha casa y e yiunan. Despues cu caba di yena e declaracion e cliente por entrega esaki mesora. E lo ricibi un comprobante tambe di e entregamento. E clientenan cu nan mes a yena e declaracion por pasa entrega esaki na MFA Noord of YMCA San Nicolas durante e dianan di campaña. Entrante 2 di oktober 2017 por entrega e declaracion na oficina principal na Camacuri.

Comments

comments