Aruba Sport Unie un bes mas ta organisa nan curso di Prome Auxilio

0
35

Diasabra awor 16 di september, Aruba Sport Unie lo inicia un bes mas cu nan curso di CPR/Prome auxilio pa miembronan di e federacionnan deportivo, coachnan y e demas voluntario y un grupo di atleta. Mirando e exito di e dos cursonan anterior y den evalucion cu e demas federacionnan miembro, ASU a haye nesecario pa sigui duna e curso aki ya cu e personanan trahando den e deporte local ta sigui crece.

Banco di Caribe
WEB
Wendys

Den e dos cursonnan anteriormente ofreci, un cantidad grandi di cursista a ricibi nan certificado di prome auxilio, y sigur ta beneficioso pa tur cu ta bishita nos acomodacion y/of veldnan deportivo. Tur e personanan aki ta certifica pa por yuda un persona cu mester un ayudo medico te ora ayudo externo profesional yega na e sitio. E curso aki ta basa riba casonan di emergencia, ora esaki sosode na unda atletanan, hungadonan y hasta fanaticonan ta envolvi, pa tur presente sa ki accion pa tuma pa asina yuda esun den necesidad. E curso lo consisti di un modulo di Teoria y Practico y lo wordo duna pa e experto Enrique “Eric” Gomez. Mester bisa cu dia 30 di september lo ta e di dos curso. Ya caba e federacionnan di Baseball, Aruba Sailing,  Taekwondo, Karate, Gymnasia, Tan Soo Do y Triathlon a confirma nan participacion. Un danki sigur na Lotto, e Loteria di Aruba pa medio di Comision di Subsidio cu a subsidia e curso di prome auxilio pa nos federacionnan deportivo, coachnan, e demas boluntario y un grupo di atleta por participa na dje. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Comments

comments