Aruba lo sostene St. Maarten den debate na Parlamento Europeo

0
307

WEB
Banco di Caribe
Wendys

Awe diaranson mainta trempan, Minister Plenipotenciario di Aruba na Hulanda, Juan David Yrausquin a sali pa Francia pa ey atende un debate den Parlamento Europeo. Tema ta e situacion na St. Maarten, Saba y St. Eustatius despues di pasada di horcan Irma. Parlamentarionan lo debati si por haci uzo di e fondo di desaster pa yuda e islanan aki cu ta forma parti di islanan LGO den Europa. De facto nan no ta islanan Ultra Pereferico, pero como cu nos a haya e derecho pa vota pa Parlamento Europeo, nos mester por tin derecho riba ayudo den momentonan di un catastrofe natural asina. Ayera, despues di e reunion extraordinario di Conseho di Minister di Reino Hulandes, a cuminsa e deliberacionnan aki pa yega na mas fondo posibel pa yuda e islanan. Den esaki Aruba tambe ta participa, siendo un miembro den Conseho di Minister di Reino y siendo un ruman pa St. Maarten cu ta confrontando hopi reto despues di horcan Irma. Durante dia lo tin mas raportahe for di Francia.

Comments

comments