Hopi hende ta contento y ta mira con bon a traha den 8 aña

0
39

Minister di Turismo, Transporte, Energia y Ambiente, Ing. Mike de Meza ta contento con su campaña ta bayendo unda cu e ta bishitando diferente cas. Pasando diferente caminda e mandatario ta sinti un orguyo di mira hopi bandera berde.

Wendys
Banco di Caribe
WEB

Diasabra Mike de Meza tabata den San Nicolas y hunto cu Benny Sevinger y Chris Dammers a pega mas o menos 150 bandera den un par di ora. Pero cada bes cu yega na un cas y pone 1 bandera, e habitante ta pidi pa pone 2 pero ta purba di mantene esaki na 1 pasobra tin mas hende cu kier bandera. E ta bayendo bon, hendenan ta contento y esaki nan ta expresa esaki. Hopi ta papia di con cosnan a bay bon den 8 aña y por mira esaki, door di e proyectonan duro manera  infrastructural, a introduci 100 florin y despues el a bira 150 florin. Pero esaki lo cambia dia 1 di januari ora cu AVP sinta y e suma bira 250 florin pa mama of tata soltero, di cual no ta basta ainda. Tin e pensionadonan y tur aña ta aumenta esaki, aunke cu no ta aumentonan grandi. Ta sigui yuda nan cu e parti di compra. A bin cu diferente cos pa yuda comunidad, unda cu a compensa e indexering. Bou di e gobierno anterior tur cos tabata flat, unda cu a vries tur cos. Mester a lucha pa un par di siman largo e tempo ey. Di momento cu a drenta den gobierno, nan a atende cu tur e cosnan aki.

A percura di duna compensacion y yuda unda por, de sector priva, tur esunnan cu tin un entrada bou di 2500 florin a haya un reparatietoeslag cual a keda aumenta. Tin e intencion di bolbe aumenta e reparatietoeslag, pero tambe tin e intencion pa bin cu e huurtoeslag, segun e mandatario. E huurtoeslag aki ta pa alivia e mama of tata soltero, pero esaki ta pa esunnan cu tin menos entrada. Ta haci esaki pasobra si kier shift e sistema di impuesto direct y indirect, mester bin cu e tipo di toeslag asina aki. A mira cu esaki ta pasa den paisnan grandi manera Hulanda, Alemania. Door cu impuesto indirecto ta uno regresivo, Minister de Meza a duna di conoce. E ta afecta un hende pasobra loke tin e ta afecta y hendenan cu menos entrada esaki ta haci un dolor pa nan. E gobierno anterior a baha e grado di impuesto riba inkomstenbelasting y esey a pone cu a bin cu e impuesto indirect, pero nan a lubida riba e gran parti di esunnan cu ta gana salario minimo of un tiki mas no tabata paga inkomstenbelasting. Ora cu a bin cu e impuesto ey riba nan, no ta haci nada pa nan. Esaki ta bin cu nan mes mester a keda atende cu e 3% di BBO. E manera cu tin pa yuda nan den compra ta e reparatietoeslag. Manera e huurtoeslag ta pone menos peso riba nan y esaki ta un contribucion di gobierno, no dunado di trabou ta cubri esaki. E poder di compra a cay cu 34% bou mando di e gobierno anterior, mientras cu bou mando di AVP esaki a cay cu 4%. Prijsnan a subi, pero mester corda cu reparatietoeslag a bin acerca, salarionan a subi, salario minimo a subi y tur esaki a keda tuma den consideracion. Bou mando di 8 aña di AVP e poder di cumpra a baha cu 4%, mientras bou MEP cu 34% y esaki ta mas cu 1/3 parti di un hende su salario.

Comments

comments