Door di horta shot auto a haya su mes den accidente

0
536

Diamars atardi, pa mas of menos 3’or y mey di atardi, ta sosode un accidente na altura di e rotonde di Pos Chikito. Aki 3 vehiculo tabata envolvi. Chauffeur di un Daihatsu Cuore bayendo direction Playa, den un pura, a bay purba “horta shot” di pasa di man robes pa drechi, dilanti un truck di transporta placa, ya cu su dilanti lo tabata tin un truck bahando velocidad yegando e rotonde. Den su maniobra el a pasa riba e lomba di cacho y bay den scual bay dal tras di e truck. E chauffeur di truck di transporta placa na su turno a purba di desvia y lastra un brake y dal e Daihatsu tambe. E auto a keda pega entre e dos trucknan grandi. E chauffeur a sali riba su propio forsa pa un checkeo den ambulance. Un otro truck di transporte a yega y asina a pasa e placa over pa e por a yega su destino mas rapido posibel. Daño na e auto ta hopi.

Banco di Caribe
WEB
Wendys

Comments

comments