Brazil Taekwondo Stichting a celebra su Dia di Famia na Baby Beach

0
20
Brazil Taekwondo Stichting a cumpli 23 aña di existencia, antes e tabata yama Savaneta Taekwondo Stichting y Willy Willems a cambia e nomber pa Brazil Taekwondo Stichting. Tur aña Brazil Taekwondo Stichting ta celebra su añanan di existencia na Baby Beach cu su tradicional Dia di Famia den presencia di tur atleta hunto cu nan famia.
 
Un otro aña di Brazil Taekwondo Stichting cu vision y metanan su dilanti cu rumbo pa 2020 hunto cu e team di “Train Hard Fight Smart” Brazil Taekwondo Stichting tin un team dinamico cu ta traha semper na bienestar di e atletanan pa asina nan por bay pa dilanti y representa Aruba internacionalmente.
Aaron Jacobs a hiba palabra y a haci un bunita oracion, gradiciendo Dios pa e bunita dia y pa bendiciona tur e hendenan cu ta fiel na Brazil Taekwondo Stichting. Brazil Taekwondo Stichting ta gradici nos pueblo di Aruba cu semper ta sostene e team di Train Hard Fight Smart, asina Brazil Taekwondo Stichting a bin ta produci durante di tur e 23 añanan di existencia. Nos a wak varios cara a bin y varios cara cu a bay, pero Brazil Taekwondo Stichting tey keto bay.
Danki na tur esnan cu a yega Baby Beach pa celebra e dia aki hunto pa asina mustra nan aprecio y gratitud pa Brazil Taekwondo Stichting. 

Comments

comments