Aruba, Corsou y Hulanda uni pa yuda Islanan Ariba

0
117

Diamars mainta a tuma luga un reunion extraordinario di Conseho di Minister di Reino Hulandes, pa trata specialmente e acontecimento na St. Maarten, Saba y St. Eustatius, relaciona cu pasada di horcan Irma.

Banco di Caribe
Wendys
WEB

Manera ta conoci, den e reunion di Conseho di Minister di Reino ta sinta, separa di e Ministernan di Hulanda, tambe e Minister Plenipotenciario di Aruba, Corsou y di St. Maarten. Durante dicho reunion a elabora riba ayudo na e tres islanan cu a sufri hopi daño. Aunke cu trabounan di restauracion a inicia, ainda tin hopi necesidad di cuminda y awa. Tambe mester construi infrastructuranan temporal, specialmente pa tanto hende cu a perde dak di nan cas.

Despues di e reunion di “Koninkrijks Ministerraad”, Minister Presidente Rutte a bisa cu Hulanda kier aporta na reestablece e infrastructura vital mas lihe posibel. Den esey mester reestablece orden publico tambe, pasobra ta di vital importancia pa publico sinti nan mes sigur y pa tur hende por sigui biba normal. Hulanda, Aruba y Corsou ta haciendo tur posibel pa yuda e habitantenan di e islanan victima di horcan.

Prome Minister Rutte a bisa den e prome fase SM Rey Willem-Alexander a haci un bishita cu Minister Plasterk. Den e di dos fase e mes como Minister Presidente lo bishita e islanan pa hunto cu autoridadnan local di e islanan, discuti e plannan pa reconstrui e islanan.

Minister Juan David Yrausquin di Aruba tambe tabata den e reunion y a elabora riba e esfuersonan di Aruba pa yuda. No solamente na nivel di Gobierno pero tambe organisacionnan manera Cruz Cora y companianan priva, mescos ta ciudadanonan cu mesora boluntariamente a duna paña, cuminda y tur loke ta necesario pa yuda e victimanan.

Comments

comments