Resultado play-off 40+ di FEDEVETA

0
117
Diasabra na e veld di Caiquetio jena cu fanatico,FEDEVETA start e play-off 40+. E biaha aki a toka turno na Hooiberg Vets pa ta e organisador di e evento aki.
Ta start precies 5:30 cu entrada di refree y hungadornan acompanja pa e bandera di Aruba. Ta toka himno pa apertura di e play-off y ta start  mes ora cu e nummer 4 di standing, e combinacion di Jong Aruba y United contra e nummer 5 di standing Bubali. Wega ta Cunsa bon balansa den un bunita hugada Carlos Villegas di Jong Aruba ta anota e prome goal. Net prome cu half-time riba un descuido di e defensa Noel “Juni” Semerel ta pasa piki e bala y ta topa su so cu keeper y ta empata e wega. Den di dos mitar Jung Aruba/United tin un leve dominio pero atrobe riba un descuido di e defensa juni Semerel ta pasa piki y ta logra pasa e keeper pa asina duna Bubali e victoria di 2 pa 1.
 
Di 2 partido ta bay entre Nacional cu ta nummer 2 di standing contra nummer 7 cu ta SCA di Paradera. Aki por bisa cu Nacional a domina e partido y nan delantero peligros Arcesio “Checho” Gonzales no ta hasi wega y ta anota 3 goal y asina duna Nacional e victoria medeci.
 
E di 3 partido ta bay entre e 2 rival grandi esta Dakota Dakota Starzz cu a kaba nummer 1 di standing y Inter cu no ta den su mihor anja y ta kaba na di 8 lugar. Den play-off tur cos ta cunsa di nobo y un wega ta dicidi si bo por bira campeon di 40+. Un wega cu bastante speed y sigur calidad halto unda tur dos ta ataka constant y asina e wega ta bay aden half-time 0-0. Ja tur hende a pensa esaki ta kaba na penalty, pero aki e hungador Jair Oduber di Dakota ta zorg pa e unico goal di e partido y asina Dakota ta avansa pa e semi-final. 
 
E di 4 partido ta bay entre e rebelacion di 40+ esta Teachers United cu maneho nobo di Orlando y Wilmer a zorg pa varios hungador nobo, majoria di decendiente peruano y kasi full campeonato ta na nummer 1 di standing pero riba ultimo dia ta perde di Dakota y ta bira nummer 3. Nan ta hunga contra un Caravel cu a kaba na di 6 lugar. Aki e half-time ta bay aden 0-0.  Den di 10 minuut di wega e delantero di Caravel Jamil Werleman ta hanja un chens y no ta basila y ta hasi e wega 1-0 pa Caravel. Net algo prome cu 12or di anochi den un hugado Rodolfo Casas di Caravel  ta bula bay halto y ta hanja un eleboog patras di su Cabes, e ta hanja un kap cu ta sangra y ta kay malo y pa seguridad ta prefera lage ey bow y jude cu ijs mientras ta llama ambulance. Pa 12:30 weg ta sigi, pero ja Teachers no por a hasi nada mas pa empata e wega y asina e wega ta kaba 1-0 pa Caravel.
 
Mester bisa cu Hooiberg Vets a zorg pa un play-off bon organisa riba un di e veld na mas gusta pa e weganan di veterano. E siguente wega lo ta e semi final na unda Dakota Starzz lo topa Bubali y Naciona lo topa Caravel  pa dicidi ken ta bay hunga final di 40+ 2017.
 
Aruba completo ta invita pa otro diasabra 16 september riba veld di Caiqyetio pa e semi-final 40+ di FEDEVETA.

Comments

comments