Nos mester saca hobennan for di e “Circulo vicioso”

0
57

Hopi te mayornan cu ta puntra: Na unda violencia ta cuminsa? Generalmente e violencia ta cuminsa den e propio famia. E elementonan di socialisacion ta representa pe famia, scol, grupo di edad, medionan di comunicacion social, asociacion y gruponan.

Banco di Caribe
Wendys
WEB

Sin embargo, e famia ta e prome base di socialisacion. Si e mucha no conta cu un famia y e sociedad cu por brind’e atencion, amor, norma y balornan, e mucha ta core riesgo di bira violento, tumando conducta inadecua, etc. Locual probablemente ta pone cu e hoben lo cay den man di husticia. Pa evita cu un hoben cay den un circulo vicioso, locual ta nifica comete delito, bay prizon, sali y bolbe drenta prizon bek; den e caso aki husticia mester haci su trabou. Na prome luga e organonan di husticia, cu ta consisti di e man duro di husticia tin cu brinda un castigo proporcional pa e delito cometi. Kiermen di ora cu un persona a comete un delito, e mester ricibi su castigo di acuerdo cu e delito cometi. Na di dos luga, ora cu e persona ta den prizon, e mester ricibi e ayudo necesario pe por yega na rehabilita pa asina e no bolbe comete mas delito. Esey ta nifica e man suave di compasion, ayudo y di husticia pa asina kibra cu e circulo vicioso.

Awor, Kico nos por haci pe persona sali for di e circulo vicioso? Den mi maneho pa frena e circulo vicioso, mi ta boga pa: 1. Traha hunto cu tur fundacion y iglesianan pa brinda nan orientacion, guia y ayudo na tempo pe hobennan vulnerabel cu tin e probabilidad di keda cay den criminalidad. 2. Aumenta e castigo pa asina yega na preveni e delitonan. 3. Brinda nos Cuerpo Policial tur e autoridad necesario pa nan por eherce nan trabou debidamente. 4. Motiva tur instancianan den e cadena hudicial pa nan traha hunto pa combati e criminalidad riba nos isla. 5. Asina cu e persona ta den prizon, e mester conta cu un programa adecua manera: atencion psicologico individualisa, tanto pa e, como tambe pa su nucleo familiar. E mester por conta tambe cu un formacion spiritual, laboral di forma cu e por re integra bek di manera productivo den nos comunidad. Tur esaki mi kier logra, pasobra e siguridad di Aruba ta mi prioridad. Pesey dia 22 di september awor, duna mi bo confiansa, vota pa un Aruba sigur, vota number 7 riba lista berde di AVP.

Comments

comments