MetaCorp orguyoso di a batisa uniformnan nobo di Grasshoppers

0
39

Na Centro di Bario Ayo MetaCorp a topa cu e team di baseball Grasshoppers. Den un ambiente ameno representantenan di MetaCorp a batisa e uniformnan nobo di Grasshoppers.

Wendys
Banco di Caribe
WEB

E aña aki MetaCorp a sponsor e uniformnan di 5 categoria di e team di Grasshoppers, kendenan a keda contento di a ricibi e sosten aki. E atardi aki tanto e representantenan di MetaCorp como e team, famia y fanaticada a yega hunto pe bautismo. E aña aki a haci esaki den un forma diferente, unda cu a haci uzo di blaas y confeti. Den cada categoria muchanan tabata kibra e blaas, mientras cu un representante tabata wanta esaki. Tur hende tabata contento cual celebracion tabata tremendo. MetaCorp a sponsor e teamnan di 5-6 aña cu ta Grasshoppers Cinemas, 7-8 aña Grasshoppers Malta Balashi, 9-10 aña Grasshoppers EcoTech, 11-12 aña Grasshoppers Atco y 13-14 aña Grasshoppers Atco Concrete. CEO di MetaCorp, Eddie de Veer, a duna di conoce cu nan tabata orguyoso di a forma parti di
e bautismo. Grasshoppers a acerca MetaCorp pa sponsor 1 uniform, pero door cu na aña 2020 nan lo ta celebrando 100 aña di existencia, a dicidi cu esaki tabata un bon oportunidad pa sponsor no 1 pero tur 5 team. E subsidiarionan di MetaCorp ta sponsor teamnan di diferente deporte manera futbol, basketball, volleyball, baseball. Tur esaki ta depende di e situacion y circunstancia. Ta haci un evaluacion na esunnan cu tin e necesidad, pero e plan ta pa contribui mas cu muchanan. Esaki ta bin pa motibo cu mester percura pe muchanan no ta riba caya.

Comments

comments