Mervin Wyatt-Ras y Rene Herde a keda presidente y Vice-presidente di Parlamento

0
98

Diamars lo ta apertura di aña parlamentario y e lo wordo celebra na un forma diferente. Segun Presidente di Parlamento, Mervin Wyatt-Ras, awe tabata tin eleccion pa presidencia y vice presidencia, cual e ta gradici su coleganan pa e sosten, pa e sigui presidi te cu formacion di Gobierno nobo y tambe felicita sr. Rene Herde, pa su vice presidencia. Tambe gradiciendo pa su sosten cu Wyatt-Ras a haya tur e temponan aki, unda cu nan por a lidera hunto parlamento.

Banco di Caribe
WEB
Wendys

Tin cu bisa cu Wyatt-Ras a gradici tur esnan cu a duna aporte na Parlamento. Un reunion di Parlamento ta mustra simpel pero hopi hende ta haci’e posibel. Desde esun cu ta type e invitacionnan, te cu esun cu tin cu nota, Cuerpo Policial, tur esnan cu ta envolvi, Cuerpo Especial y tur e tecniconan y por bisa cu ta haci posibel pa nan por ta den Parlamento. Sin lubida tambe esnan cu ta haci Parlamento limpi, esnan cu ta sirbi koffie y thee. Ta bisa cu esakinan ta valioso pa henter e funcionamento di parlamento. Nan merece tambe elogio. E biaha aki tambe por bisa cu a haci posibel tambe, cu tin nan diferente trabaonan den parlamento cu a wordo poni den un relato, unda cu pa añanan miembronan di Parlamento a pidi pa e relato aki ta uno mas general y no e biaha aki, cu cooperacion cu Griffier, a logra haci esaki. Cu basta Parlamentario cu e hecho aki.

A describi e diferente trabaonan cu nan a haci. Nan a haya 900 documento den Parlamento y a verwerknan. 425 documento tambe a sali for di documento. Reunion tabata tin basta. Tin cu menciona cu nan tabata tin 26 reunion publico, di cual esun di mas largo tabata 61 ora y tambe esun di mas cortico tabata 7 minuut.

E ta algo cu siguramente bo ta purba di optimalisa e funcionamento di Parlamento y a trata un cantidad di ley importante, manera por ehempel e ley di Citgo, e ley di creche. Tin e ley  di iniciativa di un colega di etiketa productonan. Tin e ley di financiamento di terorismo. Esun di FDA cu a pone cierto fondonan pa Gobierno haci cierto trabaonan, finalisa cierto proyectonan. Asina por menciona un cantidad di ley cu a wordo trata den Parlamento y cu esaki ta e bon momento cu ta para keto na dje. E intencion ta pa sigui traha. Por bisa cu net awor aki, na bispo di eleccion, ta wak esaki. Sin embargo mañan ta bay ta un dia special, unda cu awor aki ta clausurando e aña Parlamentario cu tur e comentarionan di e diferente parlamentarionan, pero tambe lo bay cuminsa cu e aña Parlamentario, unda cu lo bay tin presencia di Gobernador den Parlamento caminda cu lo duna su discurso. E aña aki e aña lo ta diferente caminda cu cuerpo militar lo ta dunando su sosten na St. Maarten. Wyatt-Ras ta uni su mes na e sosten, cu ta duna nos isla ruman cu ta pasando den un situacion dificil, cu mester tur nos sosten. Pesey ta bay ta diferente. Toch ta momento pa para keto cu ora habri un Parlamento bek, pa sigui padilanti pasobra Parlamento ta importante pa e decisionnan cu ta wordo tuma, tur e diferente leynan cu ta wordo pasa, tin cu pasa por medio di Parlamento, e organo di mas halto. Pesey tambe nan ta eynan, pa asina por keda cla cu e proceso aki, pa por habri e aña Parlamentario y sigui traha, aunke cu tin e eleccion. Pero te na e momento cu e Gobierno wordo forma.

 

Evento

Normalmente e militarnan tabata marcha na e momento eynan, ora cu Gobernador ta sali for di Parlamento. Sinembargo por bisa cu ultimo añanan a haci posibel cu tin hopi marchamento, cu ta algo hopi grandi y bunita. Sinembargo no tabata algo cu tabata usual. Ta un proceso cu den ultimo añanan a desaroya. Mirando e circunstancia, esey ta e tiki cu por haci tambe, caminda cu a haci’e diferente cu mas importante ta, cu por yuda sostene nos hermana isla cu ta pasando den situacionnan dificil.

 

Despues di apertura di aña parlamentario

Semper tin cambio cu lo tuma luga. Despues di eleccion lo bay habri e aña normalmente, caminda cu lo tin e diferente comisionnan cu lo wordo instala. Locual ta leynan cu tin den tapara, lo sigui trata nan. Wyatt-Ras a werk tur cos bij, den sentido cu e leynan cu mester a pasa, ya nan a wordo trata. Tabata tin un paar ainda cu tin cu trata, pero tur cos ta eynan. Spera cu no tin nada urgente cu tin cu trata. Si ta di bin na cosnan urgente, Parlamento mester debati riba nan. E ora wardando eleccion. Eleccion ta den porta, ta 11 dia so tin. Parlamento lo ta standby y despues di eleccion naturalmente, ora cu ta den e proceso tambe di instala e Gobernacion, tin cu sigui funciona y tur locual ta necesario, mester keda hou bij en todo caso pa parlamento ta eynan.

Comments

comments