Marlon Sneek di AVP riba parada diadomingo: Si MEP kier bay corte, lage bay numa

0
309

AVP ta cla pa su parada di diadomingo y tin su permiso den man forma pa Polis.  Lider di fraccion di AVP, Marlon Sneek ta asisti na reunionnan cu tin di haber cu actividadnan politico cerca autoridad. Tin diferente actividad cu ainda mester tuma luga prome cu eleccion y tin un discusion riba e parada di auto prome cu eleccion ainda, cu ta e diadomingo, dia 17 di September. Eynan tin un discusion cu hasta MEP a bisa cu e lo bay corte pa e discusion aki. Nan no ta di acuerdo. Nan ta bisa cu prome minister a impone como minister di asuntonan general, riba e fecha aki, ciendo cu MEP a pidi e fecha prome, etc.

WEB
Banco di Caribe
Wendys

Sneek a splica cu ta di lamenta. Por mira atrobe con MEP ta duna contenido na nan slogan. Sin Miedo. No worry cu nada, kibra tur regla. Esey ta sinti den un reunion dia 2 di Augustus, na palacio di Husticia na Santa Cruz, cu tur miembro representante di diferente partido na mesa sinta, den e caso aki alto inspector Gordon, a trece bon cla dilanti, cu nan ta hiba e maneho di 2013, cu ta e partido mas grandi den Gobierno ta esun cu ta haya e diadomingo ultimo, cu ta dia 17 di September, y e otro partidonan por scoge un otro fecha.

E di sinta na mesa, ningun hende no a reclama. Sr. Manolo Giel, tabata esun cu a representa MEP. Den ningun momento e no a reclama. Es mas. Dos siman pasa nan tabata tin un reunion y a hasta bisa cu nan a prepara tur cos pa diasabra, dia 16. No ta mira di unda e discusion aki ta bin. A sinta den un reunion cu polis. Den e reunion, sra. Gordon a guia e reunion y a bisa bon cla cu e partido mas grandi na mando, esta AVP lo haya e ultimo diadomingo. Pero ta mira cu nan kier crea polemica y discusion y esey ta MEP. Constantemente nan ta bezig ta kibra regla, dunando un biaha mas contenido na nan slogal, Sin Miedo, no worry cu ningun hende, haci kico cu bo kier, sin miedo. Esaki ta hendenan cu ta busca manera pa goberna e pais aki. Por scucha y mira nan actuacion. Mescos, tur partido a firma un convenio cu cuerpo policial. Un di e puntonan cu a firma riba dje, cual ta punto number 3, no ta duna permiso pa cera caminda publico, caminda cu trafico di motor mester pasa, pa e camindanan principal. Ta bisa bon cla no ta cera caminda principal. Pero toch, abo ta dicidi. Ta un G-fast, den e caso aki Gilberto F. Croes, caminda grandi pa bay Santa Cruz, a cera caminda.

Durante fin di siman na San Nicolas, tambe un biaha mas nan a cera caminda pa un actividad di sr. Chris Romero. Atrobe, polis ta trece regla y abo ta bay impone riba nan. Buta nan den un spot fastioso. Polis ta neutral, nan tin cu percura pa orden publico. Pesey ta yega na e acuerdonan aki. Pero bo kier mustr’e, aunke cu a firma e acuerdo eynan, toch ta bay haci otro cos, toch ta haci loke cu kier. A mira cu un biaha mas, den e mesun accion aki, den e mesun trend aki, ta mira cu nan ta sigui atrobe.

Dia 2 di Augustus, den e reunion, na Santa Cruz, sinta na mesa, a papia riba e punto aki. Sra. Gordon a bisa bon cla, e partido mas grandi den Gobierno, cu ta AVP nan ta haya dia 17. Pero ta mira cu nan kier crea un polemica, cu ta sr. Mike Eman kier dicidi. No ta asina.

Dia 2 di Augustus na mesa, el a wordo bisa. E dia ey ningun hende no a reclama. Es mas. Dos siman pasa tabata tin un otro reunion cu polis y den e reunion eynan tambe e punto aki a bin dilanti y sr. Giel a bisa cu nan tin tur cos prepara. Awor diripiente un vergunning, un kico. Dia 2 di Augustus, cu tabata na mesa, ningun hende no a bisa nada, ora sra. Gordon a trece e punto dilanti. Un biaha mas, nan kier buta cuerpo policial bao di presion, pa bay links of bay rechts, y ta di lamenta. Cuerpo policial ta inparcial. Nan trabao ta pa percura pa orden publico, percura pa cosnan cana netchi y tin cu respeta nan punto. Pesey ta bay sinta hunto, sino pakico ta sinta y traha regla y despues ta kibra nan toch. Esey ta di lamenta. Un biaha mas ta mira cu ta duna contenido loke ta nan slogan, Sin Miedo, no worry cu ningun hende, nos ta haci, nos ta manda y esey ta di lamenta.

 

Defensa den Corte

Segun Sneek, si MEP bay corte, automaticamente lo mester presenta. Esey no ta bay ningun problema. AVP ta presenta trankilamente den corte cu e acuerdonan cu tin riba mesa caba, manera cu a wordo bisa. Na 2013, esey ta e maneho cu a wordo uza. Dia 2 di Augustus, esaki a wordo bisa cu esey ta e maneho. Si nan kier kibra regla, nan lo mester bay corte. Ta lamenta cu e tipo di muchachadanan aki ta wordo haci. Pero atrobe, crea polemica, duna contenido na Sin Miedo, cu nan ta pensa cu nan ta para riba ley. Esey ta di lamenta, Sneek a splica.

Comments

comments