For di diahuebs Ambulance tabata bon prepara pa ricibi e pashentnan for di St. Maarten

0
75

Den fin di siman departamento di Ambulance tabata hopi druk. Druk cu un situacion cu no tabata tin di haber cu Aruba, pero Aruba tabata tey pa e hendenan di St. Maarten. Liberato Hoek, kende ta hefe di departamento di Ambulance, a splica cu en berdad for di diahuebs nan a haya un yamada pa prepara pa transporte di 65 pashent di dialyse cu lo tabata biniendo for di St. Maarten. For di e momento ey caba a cuminsa traha plan con ta bay haci esaki.

Wendys
WEB
Banco di Caribe

Pa motibo di cierto cosnan manera horcan Jose, e proceso mester a wordo acelera. E ora el a bira diripiente riba diabierna atardi/anochi. E ora a cuminsa organisa pa pone ambulancenan disponibel pa por haci e transporte. Mirando cu no tabata tin informacion concreto di cuanto pashent precies lo mester a wordo transporta. Nan tabata sa si cu tin un cantidad di 65 pashent di dialyse cu for di e dialuna caba no a haya tratamento. Esey ta pone cu nan ta core un risico hopi grandi. E ora diabierna atardi a cuminsa prepara. Nan a pone 4 ambulance disponibel pa haci e transporte. Riba diabierna eigenlijk a bin mas of menos 30 pashent, di cual cu 2 so mester a transporta. E otronan a wordo transporta cu Litelife. Esunnan cu ambulance a transporta tabata esunnan mas urgente. Riba diasabra nan a transporta 7 persona, di cual 2 di nan tabata damanan na estado, cu tambe tabata tin mester a haya tratamento.

 

Transporte aereo

Hoek a splica cu e prome dia a bin dos avion di kustwacht y e ultimo dia a bin un avion militar cu a carga en principio mas hende. E unico cos ta cu ora e avion a yega, a bin 60 hende cu nan no tabata na altura di dje. Pero despues a bin compronde cu no ta tur tabata hendenan cu mester a wordo mira door di personal medico. Hoek a agrega cu e perosnal a haci un bon trabao. A haya hende cu tabata disponibel pa bay e oranan extra. Ta algo cu a bin diripiente y a haya bon cooperacion tambe di polis pa locual cu ta trata e motorrijdernan cu por a escolta e ambulancenan bay te hospital y bin bek.

 

Proceso

Tabata tin un proceso cu a cana prome cu a subi ambulance. Na aeropuerto, e ekipo medico di hospital tabata tin nefroloog pa haci un triage. Loke cu ambulance mester a haci tabata puramente transporte.

 

Sperando mas hende

Personal di ambulance ta hopi satisfecho con cos a bay. Tin cosnan si cu mester wordo papia mas halto. Structuranan cu nan tin den rampenbestrijding toch tin cu tene cuenta cu nan. Esey tin cu wordo delibera na un nivel mas halto.

 

Experiencia

Esaki no ta algo cu nan no ta mira como un training, pasobra ta parti di nan trabao di tur dia caba. Liberato Hoek a sigui splica cu e tin di compronde cu dialyse pashent, casi tur a bin Aruba. Locual ta bay Corsou ta e parti di trauma. Cu tin mas hende aya bao, no ta conoci. E comunicacion no ta manera mester ta ainda.

 

Seriedad di pashent

Un dialyse pashent tin cu wordo trata practicamente tur dia. Tin tres biaha pa siman. E momento cu nan no haya tratamento, nan por bira hopi malo. Entre nan tabata tin pashentnan cronico. Fuera di ta pashent di dialyse, nan ta diabetico of cu presion halto y nan no por yega na nan medicamentonan. Pesey ta importante pa tin continuidad den e tratamento.

 

Morto

Te asina leu cu e sa, no tabata tin caso di ningun morto. Tur hende cu a yega Aruba, ta na bida.

Comments

comments