CURAÇAO AS A SMART NATION

0
38

Djabièrnè 8 di sèptèmber último JCI Creative Leaders in Curaçao (JCI CLIC) huntu ku JCI
United Citizens of Curaçao (JCI UC) a organisá un tremendo Luncheon kaminda tur presente tabatin e honor di por a eksperensiá Minister di Desaroyo Ekonómiko Dr. I.S. (Steven) Martina komo oradó prinsipal.

Banco di Caribe
WEB
Wendys

Sin duda algun tin di bisa ku e kolaborashon entre JCI CLIC i JCI UC tabata un éksito rotundo. E meta di e Luncheon tabata pa duna un seshon di motivashon na e merkado laboral pa empoderá trahadó i kompania. Di e forma aki stimulá i mehorá prestashon i produktividat di e trahadó ku ta e motor di tur kompania. Pues tabata dushi pa mira ku hopi empleado di diferente kompania a forma parti di e evento. Remarkabel ta e hecho ku hopi di e partisipantenan ta profeshonalnan yòn den diferente area di profeshon ku ambishon pa mira nos pais desaroyá di tal forma ku nos por resaltá den e era digital ku nos ta aden na e momentu aki.

Durante di e evento e oudiensa a presensia diferente spich di entre otro Guido Rojer jr. (Presidente di JCI CLIC 2017), Nashantara Römer (Presidente di JCI UC 2017) i tambe di nos Minister di Desaroyo Ekonómiko Dr. I.S. (Steven) Martina. E tópiko a konsentrá riba e pregunta ‘Curaçao as a smart nation – what can we expect?’. Mientras ku tur persona presente a saboria un sukulento kuminda di Renaissance Curaçao Resort & Casino nan a risibí diferente punto balioso ku kada un por implementá komo trahadó i siudadano pa garantisá un desaroyo satisfaktorio di nos pida baranka. Junior Chamber International (JCI) ta konosí komo un organisashon ku ta para pa desaroyo di É lider i tambe krea impakto positivo i duradero den nos komunidat. Pues pueblo di Kòrsou sigur por sigui konta ku mas evento di e diferente organisashon lokal di JCI ku e meta pa kontruibí na desaroyo di e ser
humano i tambe nos komunidat en general.

Comments

comments