Dama asesiná i un sospechoso detené

0
409

Djasabra 9 sèptèmber 2017 alrededor di 03.37 or sentral di polis a haña notifikashon ku tin un kaso di hinkamentu na Carriacouweg.
Mesora un patruya a bai na e sitio i a bin topa ku un dama drumí riba kama sangrando i den un situashon hopi krítiko. Ambulans a yega na e sitio i a konstatá ku e dama no tabata duna señal di bida mas.
For di un investigashon preliminar ku polis a realisá na e sitio a resultá ku un ratu promé e dama víktima aki tabatin un diskushon fuerte ku un hòmber ku e (tabata)tin un relashon kuné. Nan tabata den e kas kaminda e hòmber aki ta biba. Pa un motibu ku te na e momento aki ta den investigashon, e hòmber sospechoso aki F.A.C. nasé na Kòrsou, 51 aña di edat a propiná e dama víktima aki, Heloisa Adela Martina, nase na Korsou 14 juli 1973 multiple hinká na e parti dilanti di su kurpa ku konsekuensia ku e la fayesé na e sitio mes.
Alrededor di 03.50 or polis a detené e sospechoso F.A.C. na e sitio di e krímen mes.
Den e kas di e sospechoso polis a haña i konfiská un kuchú ku probablemente e sospechoso a uza pa kometé e krímen aki.
A presentá e sospechoso dilanti di un Fiskal Ouksiliar ku a duna òrdu pa su enkarselashon.
Alrededor di 04.40 or dòkter di polis a konstatá morto di e dama H.Martina.
Riba òrdu di Fiskal di Ministerio Públiko a konfiská e kurpa sin bida di e víktima aki pa mas investigashon.

Comments

Wendys
WEB
Banco di Caribe

comments