Gabriela Kock y Carlos Hodge a baha cu pensioen

0
133

Cuerpo Policial a tuma despedida di 2 empleado, kendenan a bay cu pension. Cuerpo Policial a despedi di Gabriela Kock-Kelly y Carlos Hodge. Carlos Hodge ta bay laga KPA y durante e despedida esaki tabata un momento agradabel y tristo. Un agente policial di e taya manera Carlos Hodge, e no lo ta facil pa laga e parti di su bida aki atras y bay topa cu un aspecto nobo den su bida. Tambe a celebra 5 empleado a ricibi nan Decreto Gubernamental, kendenan a cumpli entre 25 pa 35 aña di servicio.

Wendys
Banco di Caribe
WEB

 

Altocomisario mr. Adolfo “Dolfi” Richardson, a expresa cu tin biaha como organisacion policial mester traha riba programanan pa asina por prepara empleadonan pa bay cu pension. Altocomisario Richardson ta kere cu esaki ta un impacto pa nan y como organisacion nan tin cu pone tempo na dje.

 

Tin 2 empleado cu a cumpli 35 aña di servicio, kendenan ta Enrique D. Wester y Edgar L. Ras. Astrid M. de Cuba y Marlon R. Gumbs a cumpli 30 aña di servicio, mientras Felipe A. Yarzagaray a cumpli 25 aña di servicio. Nan tur a keda honra, unda cu a gradici nan pa nan input y participacion den Cuerpo Policial pa tur trabou cu nan a haci.

 

Edgar L. Ras a haci hopi cos durante su 35 aña di servicio, unda cu el a siña di tur sea cosnan bon of malo, y a sa di bay dilanti. E ta spera di por sigui haci esaki pa algun tempo mas. El a gradici pa tur e añanan di tin confiansa den dje.

 

Marlon Gumbs tin 30 aña den servicio y nunca el a pensa di yega na esaki. Tanto Marlon Gumbs como Edgar Ras a recorda diferente cos cu nan a pasa aden y a comparti esaki cu tur esunnan cu tabata presente. El a gradici su coleganan pa traha hunto pa hopi aña y cu ainda tin hopi aña mas pa bay.

 

Hopi aña pasa Carlos Hodge y el a mira hopi cambio cu a tuma luga den Cuerpo Comercial. E ta corda cu el a cuminsa traha cu typemachine y tambe e tabata core den autonan di polis sin airco. Tempo cu el a cuminsa tabata den Antias unda cu tabatin 130 y despues di 1986 tabatin 100, cual el a forma parti. E tabata orguyoso di a forma parti di e 100 polis. Carlos Hodge ta gradicido na Cuerpo Policial, pasobra el a pasa den lama bruto y lama keto.

 

Gabriela Kock-Kelly ta bay cu pensioen y a gradici tur hende cu a coopera cu su persona den districto 1. El a indica cu e trabou di Polis no ta facil y e ta resa pa tur.

Comments

comments