Varios palabracion a wordo haci pa henter e temporada di eleccion

0
540

Adrick Croes ta district chef Santa Cruz y tambe parti di un comision cu ta wak tur e asuntonan di permiso di eventonan central. Tur districto, tur peticion cu ta bin pa cualkier actividad politico, e comision aki ta wak ki medidanan cu mester tuma den e situacion eynan.
Croes ta conta riba e proceso di eleccion. El a splica cu cada partido tin un representante y a sinta cu tur di nan na varios ocasion. Mientras tanto ta splica nan tur e condicionnan di tur e peticionnan pa permiso. Varios palabracion a wordo haci pa full e temporada di eleccion, kico nan ta spera di nan y kico nan por spera di Cuerpo Policial.

Banco di Caribe
WEB
Wendys

Puntonan Central
Den e caso aki a purba di splica nan pa ki tipo di actividad nan lo mester di un permiso y tambe ki termino lo mantene pa e peticion wordo trata, entre otro. Tambe asuntonan di comportacion. Si ripara cu cualkier candidato ta haciendo algo cu ta suppose di cay bao di un permiso of a haci algo cu e no tin permiso, ki comportacion cu ta, nan ta papia esey bek cu cada representante di e partido.

Reglanan
Den e caso aki e prioridad ta orden publico y siguridad. Hopi di e medidanan cu ta purba tuma of palabracionnan cu ta haci ta pa yuda mantene orden publico. Cada biaha si tin cierto actividad y mira cu tin cierto riesgo pa orden publico, ta purba atende cu esey.

Eventualidad
Te ainda tabata tin algun incidente chikito, manera dos dia pasa un rato tabata tin un situacion caminda cu polis mester a evita un rato un confrontacion entre dos pasido, algo cu por a bira un confrontacion anto. Fuera di esey ta cosnan chikito.

Area
Adrick Croes a sigui splica cu nan ta bay a base di ley. Den e sentido aki, si un partido por ehempel riba caminda publico e por bay unda cu ta. Claro ta purba di papia cu cada partido y mustranan riba cierto riesgo den cierto areanan. Si mira cu un riesgo ta mucho grandi, ta treed op si den esey. Ta purba di evita mas tanto posibel si pa cierto situacionnan, hasta cu por sosode.

Ainda tin actividad pendiente
Croes a splica cu den e ultimo paar di siman ta spera cu lo bay tin varios actividad di campaña basta mas grandi ainda cu sa for di experiencia di eleccionnan anterior cu lo por tin parada di auto, cual ta un actividad grandi. No ta na altura si cu lo bay tin concierto, jump up, etc. y tambe e campañamento di cada candidato ta bay bira mas intensivo den e ultimo paar di simannan. Ta riparando hopi mas auto cu sound system ta coriendo rond. Gruponan ta campañanando den varios bario. Esey ta bay sigui y lo bay intensifica mas den e ultimo paar di simannan aki.

Keho riba muziek duro
Cierto momentonan ta haya keho riba muziek duro. Patruya ta bay y ta haya cooperacion di e auto cu sound system riba dje.

Comments

comments