Problema ta bolbe escala den casnan di Pueblo na Noord

0
740

Pa algún dia caba e problemanan den casnan di pueblo a bolbe lanta cabez. E grupo di pabou y pariba ta den noticia. Cada biaha ta tende cu tin arma di candela den wega. Diabierna anochi pasa di 9or un biaha mas e problema a start. E melding tabata cu tin problema entre e gruponan y hasta tiro a cay. A menciona e nomber di e hombre G.P. conocido adicto y conoci di husticia di lo tin e arma di candela. Tambe a tende cu Cabez di Clabo ta envolví. Ora e prome unidad di Noord a yega nan a wordo ricibi cu avalancha di baranca. Refuerzo a wordo pidi mesora y unidadnan motoriza, di Playa, Santa Cruz, Strand Politie y trafico a yega mesora na e sitio pa reforza e coleganan cu tabata wordo manda cu baranca. A será e area mesora cierto parti y asina evita cu trafico por pasa. Asina a listra pa posible hulls y tambe a atende cu e grupo di Monserat y e grupo di Casnan di Pueblo. Ambos grupo ta acusa Polis di no kier haci nada. Tur dos grupo kier pa Polis detene miembro di ambos grupo. Ningun di dos ta duna un splicacion Kiko realmente ta pasando. Ta mas bien e grupo di Monserat parce a bin pariba banda di Duartestraat y causa problema y dimes e grupo di pariba ta sali responde mesora bek. E mayornan tambe ta cay aden pa asina defende e yiunan. E grupo di Monserat tabata grita y ofende Polis cu tur nan furia. Según nan, nan sa di ley y Polis no por drenta nan propiedad. Polisnan a trata asina mes di scucha ambos partido. Según e bisiñanan, ora algo bay robez ta detene e grupo pa algún dia y después di diez dia nan ta afo atrobe. E tranquilidad den e barrio ta dura poco. E problema aki ainda no tin fin y entre e gruponan aki tin cu a cay será pa basta tempo y keto bay tin di nan cu ta será den prison. Grupo di hobennan adulto cu pa algún aña caba ta treciendo un inseguridad pa habitantenan di Casnan di Pueblo pabou di e sero y tambe Monserat. Polisnan tabata papia entre nan mes cu nan lo no actua pa detene ningún di esnan cu tabata menaza of expresa nan mes den forma baho contra Polis. E motibo ta cu ora usa forza di man pa detene, e grupo aki ta core bay na e departamento di BIZO cu ta investiga trabou di Polisnan y nan ta haya trato VIP. E polisnan después mester bay sinta oranan largo duna declaración y hera bira sospechoso pasobra a actua contra nan. Ta duna e grupo di hobennan aki un trato special y laga e Polisnan mes cay manera nan a actua robez ora a bay duna asistencia. Polisnan ta kere cu nan no mester bay perde nan pan  y ta prefera di laga e grupo aki mes atende cu otro y ora di berdad tin un victima bolbe cay, ta sera e area y haci investigación. Si e superiornan manera Ministerio Publco y hueznan no ta atende e asunto aki den forma serio, anto no tin motibo pa nan actua y mayan haya nan mes sinta na BIZO dunando cuenta pa defende nan pan contra un grupo cual mayoría ta bandido y conoci pa husticia.

Banco di Caribe
Wendys
WEB

 

Comments

comments