Talentonan di CBW a eksperensha Miami Marlins vs. San Francisco Giants

0
32

E talentonan ku a destaka durante di e ultimo CBW, Curacao Baseball Week ku Blue Bay a organisa na final di 2016 a disfruta di aserka di e partido dii MLB entre San Francisco Giants i Miami Marlins siman pasá. Kymani Martijn, Keshore Hinkel, Nathan Castillo, Thaima Maximiliana, Ruchano Petronia, Jamdrick Cornelia, Charlie Zink, Gedionne Marlin, Lutson Pieters, Jakey Josepha i Rodolfo Rodriquez a bula ku Pawa Domincanan pa Miami pa mira e streanan di e maksimo beisbol den akshon.

Banco di Caribe
WEB
Wendys

Djaluna den oranan di merdia e prospektonan aki, akompañá pa un mayor i otro akompañantenan a “check-in” na hotel Sheraton Miami Airport. Den oranan di anochi a ofrese un sena konhunto den e area di Brickel, un zona ekslusivo di e siudat. For di salida for di Korsou por a sinti un tipo di laso familiar ku a surgi den hinter e grupo. Tur hende agradabel den komportashon i dispuesto pa yuda otro.

Djamars merdia e delegashon a keda risibí na e entrada di tersera base pa e Gerente di Relashon ku Huespetnan di Marlins, Cristina Corpion. E amabel relashonista publiko aki di e Balaúnan di Miami, kordialmente a duna hinter e delegashon di ma ku 30 persona, un tour kompleto di e fasinante estadio aki, unda algun siman pasá e All Star Game di MLB a tuma lugá. Despues di esey, e momento ta sperá a yega; e oportunidat pa subi riba e tereno di Marlins, unda nos gran Sir Hensley “Bam Bam” Meulens a risibi nan ku masha entusiasmo. Tantu e warm-up komo e “batting-practice di Giants, e talentonan por a sigui di aserka. Naturalmente por a haña firma i otro atributonan di entre otro coachnan di Giants i tambe hungadornan manera Ron Wotus, Jeff Samardzija i Denard Span. Sin ningun duda un eksperensia formal i inolvidabel pa e hobennan, nan mayor i e organisashon.

E wega mes tabatin algun momento elektrisante entre otro: homerun di Buster Posey, Hunter Pence, Denard Stan Giancarlo Stanton, Ozuna, Yelich i varios bataso mas. Finalmente Giants a gana e partido 9-4. Despues di pasa e ultimo anochi na Sheraton e delegashon a regresa Korsou ku un enorme konosementu di loke realmente MLB ta ensera. Esaki lo kontribui sigur na un mihó desaroyo pa nan eventual futuro den beisbol..

Comments

comments