Trahadonan di Riu Palace Aruba ta di luto

0
3182

“Ainda mi no por kere e cos aki”, asina un empleado di Riu Palace Aruba a conta nos. “Nos tur ta den shock”. E hoben Jonathan “Joel” Dirksz di 24 aña di edad tabata “Store Manager” na Riu Palace Aruba y tabata un empleado masha stima bou tur su coleganan y gerencia.

WEB
Banco di Caribe
Wendys

Awe mainta e animo den ambos hotel Riu, esta Riu Palace Aruba como tambe Riu Palace Antillas tabata di luto y tristeza. Joel a fayece awe marduga den un accidente di auto na altura di Savaneta # 314. Tabatin dos persona den e auto, di cual un a logra sali mientras cu Joel a keda pega den e auto cu a bolter y pega candela. Ta investigando ainda e causa di e accidente fatal aki, di cual Aruba a conoce su di dos morto den trafico pa aña 2017.

Na un inicio Joel tabata traha como Security Guard na Riu Palace Antillas pero e bay asina bon, cu nan a traslade pa Riu Palace Aruba, unda el a haya e funcion di Store Manager y asina ta controla tur producto cu ta drenta e hotel. Mester imagina cu un hotel grandi asina ta cumpra masha hopi producto, cuminda y bebida, muebles y asina lo por sigui menciona. Henter e magazijn ta bou su encargo. No obstante su edad hoben, el a sa di tuma su trabou na serio, pa cual gerencia tin masha aprecio pe.

Gerencia di e hotel no tabata disponibel awemainta pa un comentario. E noticia lamentabel a dal nan duro, pa cual awor coleganan tur ta consolando otro den e hotelnan, pidiendo pa descanso di e alma di nan colega stima, esta Joel Dirksz. Nos ta desea nan hopi forsa den e momentonan dificil aki.

Comments

comments