Jonathan Dirksz ta di dos morto den trafico

0
5397

Aruba a conoce su di dos morto den trafico. Diasabra madruga pa mas of menos 4or y 20, yamada ta drenta na central di polis cu auto a bolter na altura di cas savaneta 314. Ademas a avisa Polis cu e auto a pega candela. Na yegada di e prome unidad di polis a bin topa cu e auto Yaris A – 62967 color blauw cla cu tabata na candela .A pidi pa brandweer di biaha y ambulance. E pasahero a logra sali foi di e auto pero e chauffeur si no a logra sali. Bomberonan a paga e candela y asina ainda esnan presente a mira con por scapa bida di e chauffeur. Esaki no a logra. Pa 5:30 dokter Texier ta constata morto di Jonathan Joel DIRKSZ ., naci na Aruba dia 13 di February 1993.
Departamento di trafico , polis tecnico y slachtoffer hulp a presenta na e sitio di e accidente. Departamento di trafico tin e cas bao investigacion . E pasahero no ta grave. Hopi forsa na e famia. Esaki no ta prome chauffeur cu ta accidente y muri kima den mesun area. Algun anja pasa tambe un otro chauffeur hoben a dal cu su auto y esaki a pega candela y muri kima.

Comments

Wendys
WEB
Banco di Caribe

comments