Atracadornan cu a horta van di homber ainda ta canando rond

0
435

Den oranan di diabierna merdia, 1’or y 40 pa ta exacto, a tuma luga un atraco unda cu tres persona hoben lo a ataca un homber kende a caba di cumpra cuminda na Paradera Restaurant. E atracadornan a bay cu e van Toyota Hiace color blanco numera A-9110 di un empresa di sigaria, caminda e persona ta traha. Mesora polis a cuminsa cu un buskeda y despues di basta rato polis a bin haya e van aki bandona den area di Moko Residence, portanan habri, pero sin ningun hende den dje. E 3 atracadornan a bandona e sitio y core sconde den mondi. Polisnan ta buscando rond pa wak si nan ta logra topa cu e 3 atracadonan aki. E caso ta bou di investigacion pa autoridadnan concerni.
Tin indicacion tambe cu nan lo a horta un caha di placa cu tabata tin den e van, cu ta haci cu e buskeda ainda ta mas urgente. Mientras tanto na e restaurant, ambulance tabata tey presente pa asina duna asistencia medico na e homber, kende sigur lo a haya susto di su bida.

WEB
Wendys
Banco di Caribe

Comments

comments