Si puntuahe ta abou, ta e dunador mester completa e salario minimo di empleado

0
45

Tin biaha ta tende kehonan di trahadornan cu ta bisa cu nan mester bende y asina acumula punto pa sera net net e salario minimo. Durante entrevista cu Anthony Lee Riviears, el a splica cu berdad mester completa cierto cantidad di punto pa yega na e salario minimo, etc. Tin biaha tin un impresion cu ta bende, ta haya puntuahe, a haci benta y esey ta bin extra placa riba e salario minimo. Riviears ta splica cu den companianan cu e salario basico mester wordo ahusta cu un comision y esey pa nan yega pareu of riba e salario minimo. Si esaki on ta e caso, e ora ey e dunado di trabao, nan tin cu vul aan te cu e minimumloon. Esey ta hopi importante pa sa, pasobra nan no mag di cay bao di e salario minimo.

WEB
Wendys
Banco di Caribe

 

 

Informacion

Departamento di labor tin un departamento cu yama conflicto y retiro. Semper por pasa libremente eynan. Kico ta hopi importante cu por haci’e den dos forma. Tin ta bin pa duna keho, y tin ta bin pa busca informacion. E informacion aki tin e consulenten cu ta capas y semper ta eynan pa duna sosten na pueblo. Esey tambe ta algo importante. E parti di unda nan mester sa of nan mester wordo bon informa. Cambionan cu ta bin y tambe pa nan sa kico ta nan derecho. Esey ta hopi importante, segun Riviears.

 

Basta activo

Departamento di labor ta basta activo y diariamente. Tambe nan ta haci nan propio control riba caya. Nan tin un departamento cu yama Departamento di Inspeccion y eynan tambe diariamente nan ta wak tambe pa salvaguardia no solamente e circunstancianan laboral, pero tambe pa wak berdad si nan papelnan, en particular pa e trahadonan, si tur cos ta na ordo e ora ey. Mas tanto ta eynan pa sostene tanto e dunado di trabao, pa nan ta un bon doño di trabao y tambe pa e trahado, si nan tin cualkier pregunta of si nan ta sinti un tiki incomodo cu nan mester di mediacion, e ora Departamento di Labor ta dispuesto pa duna e aporte ey.

 

Mester tene cuenta cun’e

Anthony Riviears, director interino di Departamento di Labor, ta splica cu semper mester pidi informacion. Cualkier cambio di ley tuma luga of si na no ta sigur cu cierto cambionan a tuma luga, semper ta importante pa tin contacto cu e departamento di labor. Nan tey pa tanto e dunado di trabao, como e empleadonan pa nan duna informacion. Esey ta nan tarea principal, pa intermedia entre e dos partinan aki, pa asina nan por sali na final, bo ta haya parti di goed werkgeverschap y goed werknemerschap.

 

Ambos partido

Esaki ta conta pa ambos partido. Pasobra tanto e dunado di trabao, mester sa e cambio pa tuma luga pa ahusta esey na tempo. Y tambe e trahadonan pa nan sa cierto derechonan pa nan por wordo informa pa nan tambe por contribui na e mercado laboral na un manera positivo.

 

Manpowerplanning

Manpowerplanning cerca departamento di labor e ta funciona, den e sentido cu e dunadonan di trabao, tin cu entrega esaki na departamento di labor. A base di esey, tambe ta duna un voeding pa ora cu subi e mercado laboral pa por haci inspeccion, tambe si tin cualkier punto cu a bisa cu nan mester mas informacion, e ta mas accesibel pa por dialoga riba cierto aspectonan cu a wordo poni entre otro den e Manpowerplanning.

 

Cooperacion

Pa Departamento di Labor ta hopi importante cu tambe ta traha hopi hunto cu entre otro Departamento Progreso Laboral y tambe cu Dimas. A base di esey hopi biaha cierto decisionnan ta wordo tuma. Tambe den deliberacion cu e minister. E ta esun cu ta na encargo di e ministerio di labor. E deliberacion, e transparencia mester tey, segun Riviears.

Comments

comments