Cambio di ruta entre rotonde Kibaima y rotonde di Pos Chikito

0
77

Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda principal di  Oranjestad pa San Nicolas cu entrante diabierna 11 augustus 2017, lo bai cera e caminda principal na haltura di e rotonde di Kibaima pa rotonde di Pos Chikito.

Wendys
WEB
wendys banner
Banco di Caribe

Motibo ta cu lo bay connecta e caminda di 2×2 nobo for di rotonde di Kibaima pa e rotonde di Pos Chikito. Lo cera e caminda menciona pa tur trafico den ambos direccion. Trafico for di Oranjestad pa San Nicolas ta wordo desvia for di e rotonde di Kibaima  pa caminda di Balashi sigui ful pa caminda di Spaans Lagoen/Barcadera y sali na e rotonde di Pos Chikito.

Trafico for di San Nicolas pa Oranjestad ta wordo desvia via di e rotonde pa e caminda patras di Pos Chikito, entre Kukwisa Basis School pa Tele Aruba,  después sigui pa Barcadera y sali riba e caminda di Balashi/ rotonde di Kibaima. Trafico for di Santa Cruz pa San Nicolas y back por haci uzo di e caminda di Jan Flemming,  Sabana Basora pa rotonde di Pos Chikito
E ceramento y desviacionnan lo keda indica cu baricadanan y borchinan di aviso. Trabounan lo tin un duracion di 3 dia.  En coneccion cu e trabounan menciona Departamento di Obra Publico ta haci un peticion na tur automobilistanan pa no haci uso di e  camindanan menciona y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

Comments

comments