Servicio di Ambulance cu trainingnan intensivo den e dianan aki

0
33

Servicio di Ambulance tin un training basta intensivo den e dianan aki. Liberato Hoek a splica di e trainingnan aki, kendenan ta envolvi, kendenan ta dunando e curso, etc.

Wendys
wendys banner
Banco di Caribe
WEB

El a comenta cu Imsan ta sigui inverti den servicio di ambulance, na forma di material y personal. Na cuminsamento di e aña aki a tuma shete persona nobo pa haci e opleiding di ambulancechauffeur. Esaki actualmente ta wordo duna na Corsou. E ta consisti di dos parti. E parti di medisch assisterent y e parti di rijvaardigheid. Actualmente tin un instructor di Hulanda di e Ambulance Academie di Hulanda pa duna e parti di rijvaardigheid.

 

Pakico na Auba?

Pasobra tin diferencia di e reglanan di trafico ente e dos islanan. E opleiding mes a cuminsa na Maart y ta finalisando na November. Actualmente e instructor ta na Aruba pa cuater siman largo, caminda cu e ta bezig cu e parti di rijvaardigheid. Esaki ta cuater biaha pa siman, cuater dia y ta haciendo uzo di e careteranan na Aruba. Lo mira e ambulancenan ta core ariba abao y un parti ta wordo duna na Palo Marga.

 

Kico e ta encera?

Eta practicamente coremento di auto.No mester lubida, ambulance no ta un auto di famia, e tin su peso. Tin material patras, tin pashent patras, pa e chauffeur no ta algo facil. Tin cu tene cuenta cu hopi detaye. Na momento cu e ta bay core cu tur e peso aki, vooral si e tin cu core cu un velocidad mas halto cu normal, tur esaki ta hunga un rol. Pa djis duna un ehempel, den un bocht of riba un rotonde, e autonan aki ta pone hopi forsa riba e structura di auto. Tur esaki e chauffeur tin cu tene cuenta cun’e. Un auto di famia, bo no ta ripara esey hopi facil. Pero un ambulance si ta ripar’e y esun cu ta bay sinti’e mas lihe, ta e pashent mes. P’esey e detayenan aki ta hopi importante pa e chauffeurnan nobo cu ta den opleiding pa nan ta al tanto di esakinan.

 

Chauffeur

Den pasado tabata tin e persona cu ta djis maneha e ambulance y move di e sitio pa hospital, etc. E no ta solamente core e auto di A pa B, pero tin e parti di medisch assisterent, caminda cu e tin cu asisti e verpleegkundige. E mesun protocol cu e verpleegkundige mester sa, e chauffeur tambe mester ta na altura di esaki, ki medicamento tin cu wordo uza, ki ora. Tur esakinan ta parti cu e chauffeur mester sa, no ta solamente coremento.

 

Personal nobo

Ora cu bo tuma personal nobo, ta pasa un screening. E persona aki mester tin conocemento basico riba un salba bida. Segun Hoek, nan mester tin un background di tin un EHBO diploma, pasobra e trabao no ta facil. Bo mester por gust’e pa haci’e. Si bo ta un hende cu no por cu sanger, e no ta cumbinibo bin busca trabao na Imsan.

 

Cu un pashent abordo

Hoek ta splica cu hopi biaha hende ta pensa cu ambulance mester core duro. Tin situacionnan cu bo ta haya ambulancenan ta core 40 kilometer, pero cu zwaailicht y sirena. Por ehempel hendenan cu sla na cabes, cual ta un di e motibonan pa core 40 kilometer cu zwaailicht y sirena. Sigur ta importante pa e automobilistanan sa cu na momento cu bo tende un sirena, prome cos cu bo tin cu haci ta wak den bo spiel. Wak for di unda e ambulance ta biniendo. E no ta asina cu bo mester core subi acera. Si tin caminda pa baha. Pero si tin acera, purba di regula bo velocidad. Purba di core mas slow y no bay para riba caminda y kibra bo taira. Amulance mes ta purba di pasa mey mey di caminda of na banda. Hopi biaha e miho manera pa bo comunica cu ambulance, ta cende bo hazzardlight. E ora bo sa cu ambulance ta biniendo.

 

Un solo ruta

Ta uza hopi biaha un solo ruta pasobra ta e caminda di mas cortico. E bentaha cu tin awor aki, ta pasobra e bakinan no tey. Tin un alterantiva cu nan ta uza ta La Sallestraat. Pero den futuro, si e Watty Vos Boulevard keda cla, esey ta bay riba e alternativa, ora cu bo ta biniendo di San Nicolas por ehempel. Esey ta e caminda principal cu a uza ora di bay Playa pa San Nicolas, awor aki. Den futuro Watty Vos Boulevard lo ta un solucion. E lo ta beneficia ambulance hopi. E ta end up riba e caminda cu nan tin mester pa hospial. E ta sali banda di Ling & Sons cu ta cerca di hospital, Hoek a splica.

Comments

comments