Kustwacht tin atencion riba trecemento di gasolin for di Venezuela

0
69

E trecemento di gasolin for di Venezuela por wordo considera como contrabando , pasobra parti di gasolin ta wordo hinca den boto mes despues ta wordo saca y warda. Ademas di ta un peliger riba lama. Segun Roderick Gouverneur, vocero di Kustwacht di Caribe Hulandes, kustwacht tin atencion siguramente pa e asunto di trecemento di fuel for di Venezuela. Naturalmente ministerio publico a lanta un werkgroep pa atende cu e caso aki, di cual kustwacht tambe ta forma parti di dje. Unico cos cu por bisa cu transporte di fuel ta sumamente peligroso. Tabata tin na dos ocasion caba, dos di e transportenan aki cu a pega candela y esaki naturalmente ta hopi peligroso pa e personanan cu ta atende cun’e. E ta hopi peligroso pa e personanan den cercania. Ora cu drenta cun’e den waf tambe, e por explota y pega otro embarcacionnan cu ta den vecindario tambe na candela. Incluso ora bo bin cun’e riba tera, e deposito di e fuel aki tambe por forma un peliger. Na e momentonan aki, ministerio publico y kustwacht ta bezig ta bin cu un plan pa atende cu e caso aki y pronto lo bin cu e resultado.

Wendys
Banco di Caribe
WEB

 

Kende mas lo ta hunto cu kustwacht

Hopi biaha kustwacht ta salu cu patruya combina di polis y douane.

 

Plan

E plan con hopi lo dura pa atende cu e problema aki, sr. Gouverneur ta spera cu pronto, pasobra manera cu a wordo bisa, ministerio publico tin full atencion pa esaki y ta spera cu pronto por tin un respuesta di con tin cu atende cun’e.

Na e momentonan aki, loke por bisa cu e personanan cu ta haci nan mes responsabel pa esakinan, ta forma un peliger y mester tene hopi cautela con ta haci esaki.

 

Na Corsou ainda no

Na Corsou nan no a topa cu e fenomeno aki ainda.

 

Fenomeno similar

Na Corsou tambe tin e caso naturalmente di ilegalnan cu ta purba di yega e islanan. Naturalmente e islanan di Caribe Hulandes ta hopi cerca for di Venezuela. Tur hende ta purba di yega via nan. Tin cu bisa si cu e fenomeno di imigracion ilegal no ta algo nobo. Aña 2000, tambe tabata tin un fluho grandi di hende for di Colombia cu tabata purba di drenta e islanan. Tabata tin un temporada cu Haitiano y Jamaiquinonan tabata purba di drenta. Ta un fenomeno cu rato rato ta escala.

E ultimo nan aki, ta purba di drenta e islanan, pero nan ta bin for di otro parti, pero na un manera ilegal.

Comments

comments