Recherche a ricibi di 24ora.com vest special

0
669

Cuerpo Policial a ricibi algun vest nobo pa asina nan por sigui eherce nan trabou diario. Minister di Husticia, Drs. Arthur Dowers a entrega Cuerpo Policial den nomber di e website 24ora.com. “Masha danki pa e ocasion aki, cu nos a ricibi di e team di 24ora vest nan pa nos Cuerpo Policial. Mi ta sumamente contento cu esaki cu e ta sostene di e trabou haci” e mandatario a expresa.

Banco di Caribe
WEB
Wendys

 

Tur hende por mira e trabou cu ta keda haci door di husticia y e importancia di e trabou ta keda reconoci door di otronan den comunidad. Den e caso aki 24ora ta un di esnan cu hopi biaha ta ariba caya y ta presente na momento cu Polis ta bay den accion. Pa gratitud y cu Cuerpo Policial por sigui haci nan trabou bon, nan a regala KPA algun vest. Esakinan ta vestnan cu recherche por haci uzo di dje, principalmente na momento cu nan ta bay cierto accionnan den oranan di anochi. Hopi biaha ta mira nan ta cana cierto caminda, cerca di caretera of cu nan ta bay un accion caminda cu ta scur y cu esaki por mira e momento cu tin luz cu ta autoridad.

 

“Mi ta kere cu esaki ta hopi importante. Logicamente  asina aki nos ta cumpra hopi material pa Cuerpo Policial pero tur cos cu ta bini di comunidad, e ta duna un aprecio adicional na e bon trabou cu nan ta haciendo den e ultimo añanan” Minister Dowers a expresa orguyosamente. Por mira cu den comunidad di Aruba cu e aprecio a crece grandemente pe team special, cuerpo di recherche special. E team ta traha y nan ta keda reconoci tambe pe bon trabounan cu ta keda haci. Hunto cu e otro teamnan di recherche tambe ta duna resultado sumamente grandi. Nan ta duna resultadonan sumamente tremendo ora cu nan bay atende cu esnan cu ta comete crimen riba nos pais Aruba.

 

Tambe por mira cu e personanan cu comete un crimen ta keda deteni den un par di ora despues. Hasta nan ta keda deteni prome cu nan bay comete e crimen. Minister Dowers ta kere cu e desaroyo cu Cuerpo Policial ta haciendo, e aprecio pa nan ta aumentando. “Mi ta sigur cu esey ta e rason cu 24ora a nos e reconocimento aki”, el a expresa. Minister di Husticia ta spera cu lo haci un bon uzo cu e vest y cu esaki lo yuda pa cumpli cu e tareanan haci diariamente.

Comments

comments