Trabounan di mantencion na Casita Geel a cuminsa

0
71

E ultimo añanan Stichting Monumentenfonds Aruba (SMFA) ta enfocando riba e mantencion di nan edificionan monumental. Ya stadhuis, edificio Henriquez, Huisje Wild y edificio di Scol 1888 a haña un mantencion completo y awor ta toca turno na e monumento na Weststraat cual ta actualmente oficina di Arina y cu ta conoci tambe bou di e nomber di Casita Geel.

WEB
Banco di Caribe
wendys banner
Wendys

Despues di varios luna di preparacion y inspeccion a traha bestek y a bay den un destaho caminda a aserca cuatro contratista pa duna un oferta. Felipe Construcion and Consultancy NV a resulta e contratista cu mihor oferta, cu ta cuadra tambe cu nos presupuesto pa haci e mantencion. E trabounan ta encera mas tanto di drecha murayanan paden y pafo cu ta daña door di salo cu ta sali foi e piedranan di calichi. Tambe riba e cura rond di e edificio lo haci mantencion necesario. Na final lo verf e edificio completamente.

Segun e plan e trabounan lo finalisa mas o menos pa luna di september. Durante e proceso pa planea e trabounan di mantencion SMFA ta den contacto constante cu Arina como huurdo y ta aprecia tambe e cooperacion di nan banda pa e proximo lunanan durante cu e trabounan lo ta tumando lugar. Banda di esaki tambe ta gradeci un biaha mas pa por conta cu e cooperacion di Monumentenbureau pa e proyecto aki.

SMFA su meta principal ta pa por preserva nos pasado pa futuro, ya pa un tempo a traha riba un plan di mantencion pa termino largo pa asina por garantisa cu e monumentonan cu ta pertenece na SMFA lo keda den un bon estado.

Comments

comments