Prome dia di firmamento di lista a bay bon

0
661

Na Censo tabata tin e prome dia di firmamento di lista pa partidonan cu no tin asiento den Parlamento. Durante entrevista cu algun di e politiconan presenta, a logra nan prome declaracion. Partido RED, CURPA y Raiz ta e promenan cu a logra papia cu nan.

Wendys
Banco di Caribe
wendys banner
WEB

 

RED

Pa loke ta RED Democratico, Rudy Lampe a invita tur simpatisante pa sostene e lista di RED Democratico. Ta un proceso facil. No mester para den rij. Ta yega y ta guia e persona nan e locket, pasobra diferente partido tin diferente locket, unda cu bo rijbewijs, ID of paspoort, bo por firma pa e partido RED Democratico por participa na e eleccion di dia 22 di September, pasobra nan no tin participacion den Parlamento. Tur partido cu no ta representa den Parlamento, mester busca cierto cantidad di firma pa asina participa na e eleccion di dia 22 di September. A habri 9’or di mainta y RED ta slowstarter. Mesora a mira e situacion cu partido POR a bin cu tur su hendenan awor aki y por bisa cu nan ta laga nan bay haci e proceso di firmamento y ta bay start mas rapido e trai merdia cu e proceso aki di firmamento, una bes cu Partido POR a termina cu e firmamento di lista cu ta spera cu ta dentro di algun ora, ya nan ta cla cu nan prome lista. Nan a bin cu tur nan hendenan den un rato. Pesey Lampe ta bisa pa no spanta cu lo bay tarda hopi pa yega pa firma e lista. E ta un proceso cu den cinco minuut bo ta keda cla, si bay pa partido RED Democratico.

RED ta gradici un y tur cu ta tuma tiki di e tempo pa asina cumpli cu un deber civico di sostene un partido pa por participa na e proceso democratico di eleccion di dia 22 di September.

 

CURPA

Christina Lampe ta lider di partido CURPA tabata tey riba e prome dia na Censo caminda cu pueblo por firma pa sostene partidonan politico cu no tin representa den Parlamento. Lampe a splica cu ta un proceso interesante y tur cos a bay bon. E ta satisfecho como lider, con cos ta bayendo. Tur hende ta hopi nice cu otro. Ta sinti un ambiente hopi bunita eynan. Esey ta hopi importante, pasobra ta mira cu ya caba manera un union entre e hendenan. Lampe ta haci un yamada na tur su sostenedornan y e publico en general pa bin na e dependence di Censo y firma pa partido CURPA, pa asina nan tambe por participa na eleccion dia 22 di September proximo. CURPA ta e partido, e solucion, e cambio, un Aruba nobo.

Tur cos ta organisa di tal forma pa Electorale Raad y Censo, cu tur e partidonan ta move inmediatamente cu nan hendenan paden, pasobra cada un paden tin e rijnan y tur cos ta marcha na ordo.

 

RAIZ

Ursell Arends ta lider di partido RAIZ y ta conta riba e dia di awe, con el a habri pa nan y su yamada pa su hendenan bin pone firma, cual ta importante pa e partido. Arends a splica cu RAIZ a haci un yamada mainta tempran pa por bin sostene nan. No solamente RAIZ, pero otro seis partido politico cu ta purba di colecta 578 firma pa por participa na eleccion 2017. E ta haci un yamada pa bin sostene e partidonan pa logra e firmanan y pa por participa na eleccion 2017, pa democracia eherce.

RAIZ ta core su campaña via social media, alabes ta reaching out na diferente otro persona pa bin sostene nan tambe. Ta spera cu e yamada aki por wordo bon ricibi pa pueblo y cu nan por atende te cu 8’or y mey di anochi. Si bo ta bin pa firma pa RAIZ, bo no mester para den rij. Asisti na nan booth y percura pa drenta libremente pa firma y bay bek bo trabao.

Comments

comments