Alto Comisario di Polis: Censo caminda e ta no ta apto pa maneho un grupo grandi di hende

0
186

Alto Comisario no ta kere cu Conseho Electoral a tene cuenta cu e conseho di Polis. Na final di dia ta e ta responsabel si algo bay robes. Pesey e kier a comunica su preocupacion y a spera cu lo a reconsidera y no para firme tras di ley. Ley tey, y alto comisario ta un hende cu ta respeta ley. Pero si por preveni un problema, e lo scoge pa preveni na luga di bay tras di ley. E ta anticipa cu teniendo cuenta cu diferente faceta cu e cos aki por trece su problemanan cun’e.

WEB
wendys banner
Wendys
Banco di Caribe

Problema

Tur e añanan cu a pasa ta cual ta wordo considera como areanan conteni, nan ta habri, nan ta apto pa multitudnan grandi. Pero Censo, cu tur respet, si wak unda e ta situa, no ta apto pa maneha un grupo grandi. Manera cu tur sa, tur e eleccionnan anterior tabata tin hopi hende riba pia. Multitudnan grandi y esey ta algo cu ta bisa cu ta premira cu esey lo trece problema cun’e.

 

Kico por pasa

Polis tin un draaiboek. Pesey ora ta bezig ta bay door di dje hunto cu esnan concerni, a bin ripara cu ta bisa OK, pero e cos aki lo bay trece problema cun’e. Pesey a dicidi pa manda un carta pa e minister concerni.

 

Contesta di Conseho Electoral

A ricibi un contesta di Conseho electoral, cu ta bisa cu nan ta keda para na nan standpunt. No ta nan a schrijf aan, sino e minister concerni.

Dia 4 di Augustus lo bay tin entregamento di lista, cu partidonan grandi manera AVP y MEP, cu ta bin cu masa di hende, den un area cu semper y cuando polis ta pidi pa ta mas sigur posibel pa nan por haci nan trabao y garantisa e siguridad di esnan cu ta bin. Den e caso aki Conseho Electoral ta para riba cu nan no ta bay cambia di luga. Segun nan, legalmente, ta na Censo esey mester wordo entrega. Na 2001, el a tuma luga na Renaissance. E otro añanan despues a sigui na Havana aka Nikki Beach aka Surfside. Si e tabata ilegal of no, no sa, pero eynan a tuma luga. Awor aki nan ta para riba cu ta na Censo, un area hopi preta, cu lo bay trece toch problema den trafico, tin cu respeta e ora nan decision. E conseho di polis, den e caso aki no a wordo considera. No tin balor pa e Conseho Electoal y nan ta dicidi cu nan ta tene eynan. Tin cu respeta decision di cada uno. Polis a bisa tambe, cu nan lo percura pa garantisa siguridad di e pueblo aki y esey lo bay sosode dia 4 di Augustus y durante henter e temporada aki te cu eleccion y tambe despues di eleccion pa e parada di victoria di e partido cu gana eleccion dia 22 di September, 2017.

Comments

comments