16.556 number di auto no ta paga

242
E Hefe DMAX
24 ora App
RBC Mortage
CMB Instant Deals 6%

Durante un conferencia di prensa dialuna mainta di Departamento di Impuesto Aruba, a wordo anuncia cu un cantidad relativamente grandi di clientenan ainda no a paga nan belasting di auto mientras cu e ultimo periodo di pago ta vence dia 30 di juni awor.

24ora Gana Cel

Meverly Romano, relacionista publico di DIMP, a splica cu 79% di e total di numbernan registra na Belasting a cumpli cu pago di mita aña sigur. Pues 21% di doñonan di auto mester paga ainda y e cifra di incumplimento aki nan no por a bisa si esaki ta di e mesun nivel cu den 2017. Pero hecho ta, segun sra, Romano, cu e ta un cantidad basta halto.

Di e total di cifranan di auto registra tin 14523 cu number A, cu no a cumpli cu e pago di mita aña di belasting ainda. Di e 1131 trucknan di diesel registra, y 188 no a paga ainda; di e 2156 brommernan (MFA-nummer), falta 608 (28%) di e cifra total cu ainda falta pa paga impuesto. Den e categoria di transporte, e.o. autonan di huur tambe tin un cantidad basta grandi cu falta pa paga nan number ainda. Asina sra. Romano a menciona cu number di 48 brommer di huur no a wordo paga; 791 auto di huur no tin number paga, y tambe 57 TX y 24 Autobus (B-nummer).

Tur e datonan ariba menciona ta yega na un cantidad di 16.556 number di auto cu no a wordo paga ainda den 2018, apesar cu e prome fecha a vence caba. E siguiente fecha pa tin full aña paga ta 30 di juni awor. Mientras cu e fecha ey ta bay yegando, Polis lo bay ta teniendo diferente control di trafico riba e vehiculonan cu no a paga impuesto di auto manera mester ta.

Na mesun momento sra. Romano a recorda tur persona cu no ta uzando nan plachi number, kisas pasobra auto ta daña, acudi na Departamento di Impuesto pa informa nan di esaki, sino doño di e number ta keda responsabel pa cumpli cu e pagonan normal.

Na tur momento, a wordo enfatisa, cu un persona no tin un number of no ta haci uzo di esaki, mester informa DIA sino abo como doño, riba kende su nomber e number registra, ta keda responsabel. Si bende un auto cu e number, cambia esaki di nomber na DIA y si bo auto no ta funciona, informa nan tambe. De lo contrario aworaki ley ta permiti pa cobra “Naheffing”. “Den pasado ley no tabata permiti esey pero den 2017 a bini cu un cambio den ley y Departamento di Impuesto por cuminsa saca cobransa pa esnan cu no a cumpli cu nan pagonan.” Ta miho paga, sino e cliente ta hay’e ta paga boet, gastonan extra door di “Naheffing aanslag”. E cobransa aki ta duna e cliente 2 luna pa cumpli cu su pago, despues e lo haya un aanmaning. Si ainda no cumpli cu e pago, ta cuminsa cu e proceso di pago via forsa di ley, entre otro por pone beslag riba un parti di su salario.

Comments

comments

Dragon Fly
Juju Events
Amerijet